Yuqori konsentratsiyalangan energetik ichimliklarda ko‘p miqdorda kofein, taurin moddalari bor. Taurin – energetik jarayonni jadallashtiruvchi va nerv sistemasini rivojlantiruvchi modda. Taurinning inson organizmi uchun sutkalik me’yori – 400 mg. Ayrim energetiklar tarkibida esa bu modda 2 barobargacha oshiq bo‘ladi.
Ichimlik tarkibidagi kofein – psixostimulyator modda. U vaqtinchalik tetiklik hisini berib, charchash holatini yengillashtirishi, ammo ma’lum bir vaqtdan so‘ng (1–1,5 soat) inson organizmida charchoq battar kuchayadi, bosh og‘rig‘i paydo bo‘ladi va nafaqat aqliy faoliyat, balki jismoniy faoliyatni ham susaytiradi.
Energetiklar ichish 18 yoshga to‘lmagan bolalar va o‘smirlarga, homilador va emizuvchi ayollarga, yurak qon tomiri va qandli diabeti bor bemorlarga tavsiya etilmaydi.
